Satya Jambavati Temple Information

 శ్రీ సత్యా జాంబవతీ సమేత శ్రీ అళఘుమల్లారి కృష్ణ స్వామి దేవస్థానము , మన్నారు పోలూరు .!!   Temple Information

శ్రీ సత్యా జాంబవతీ సమేత శ్రీ అళఘుమల్లారి కృష్ణ స్వామి దేవస్థానము , మన్నారు పోలూరు .!! 

నెల్లూరు జిల్లా ,సూళ్ళూరుపేటకు నాలుగైదు కి.మీ దూరం లో .. చాలా పురాతన ఆలయం..!!
జాంబవంతునితో యుధ్ధంచేసిన ప్రదేశం గా స్థల పురాణం..!!
గరుత్మంతుని గర్వభంగానికి వేదికైన స్థలంగా కూడా చెబుతారు..

క్షేత్ర పాలకుడు: జాంబవంతుడు..!!
హరే కృష్ణ హరే కృష్ణ
కృష్ణ కృష్ణ హరే హరే

-వివరములు తెలియచేసినందుకు  ధన్యవాదములు శివగారు ( భారతీయుడు )

మీ కామెంట్ ద్వారా మీ అభిప్రాయాన్ని తేలియచేయండి

Udipi Temple Information

 ఉడిపి - కర్ణాటక | Udipi  Temple Information

శ్రీ మోహన్ గార్కి కృతజ్ఞతలు తెలియచేస్తూ .. ఆయన రాసిన పోస్ట్ ఇక్కడ పోస్ట్ చేస్తున్నాను ..

ఇక మేము కుక్కే శ్రీ సుబ్రహ్మణ్య స్వామి వారి క్షేత్రం నుండీ బయలు దేరి, ఉడిపి క్షేత్రం చేరుకున్నాము. కుక్కే నుంచి ఉడిపి మంగుళూరు మీదుగా వెళ్ళాలి. చాలా అద్భుతమైన ప్రయాణం. 

ఉడిపి క్షేత్రం ద్వైత సాంప్రదాయానికి చెందినది. శ్రీ మధ్వాచార్యుల వారు ఇక్కడి ఎనిమిది పీఠాలను స్థాపించారు. అయితే వీటి గురించి మాకు మరీ ఎక్కువగా తెలియదు. మేము అక్కడ ఒక్క రోజు నిద్ర చేసి, ముందు రోజు సాయంకాలం హారతి, దర్శనం పొంది, మరునాడు ఉదయం ప్రాతఃకాల నిర్మాల్య పూజ, హారతి చూడగలిగాము ఆ స్వామి కృపా కటాక్షముల వలన. 
ఇక ఈ ఉడిపి క్షేత్రంలో ఉన్న శ్రీకృష్ణుని గురించి చెప్పుకోవాలంటే, నాకు పెద్దగా తెలియదు.

 శ్రీకృష్ణ పరమాత్మ యొక్క కారుణ్యం వలన, ఆ క్షేత్రంలో మేము చూసిన అనుభవం మాత్రం నా మాటలలో చెప్తాను. ఇక మిగతా క్షేత్ర వైభవం వగైరా సమాచారం అంతర్జాలంలో ఉన్న తెలుగు వెబ్ సైట్లలోంచి సేకరించినది ఈ క్రింద వ్రాస్తున్నాను.

మాకు జరిగిన కృష్ణ దర్శనం:

మేము మొదటి రోజు సాయంత్రం వెళ్ళాము దర్శనానికి. అక్కడ స్వామి వారిని మనం ప్రత్యక్షంగా చూడడానికి ఉండదు. గర్భగుడిలో ఉన్న కృష్ణ మూర్తిని తొమ్మిది రంధ్రాలు ఉన్న కిటికీ ద్వారా మాత్రమే చూడగలము. మేము వెళ్ళిన కాస్సేపటికి సుమారు ఏడు గంటలకి, స్వామి వారికి సాయం హారతి సమయం అయ్యింది. అక్కడ ఒకేసారి కొన్ని వండల నూనె దీపాలు వెలిగించి అత్యద్భుతంగా జరిగింది ఆ హారతి. ఆ మరునాడు ఉదయమే ఐదు గంటలకల్లా మళ్ళీ గర్భ గుడి దగ్గరగా వెళ్ళాము. ప్రతీ రోజూ ప్రాతఃకాల్ంలో నిర్మాల్య పూజ చేస్తారు. అప్పుడు స్వామి వారు ఏ అలంకారములూ లేకుండా దర్శనమిస్తారు. దీనిని ఇక్కడ విశ్వరూప దర్శనం అని చెప్పారు. ఆ విశ్వరూప దర్శనం ఇస్తున్న కృష్ణ మూర్తిని చూస్తే, మన పూజ్య గురువు గారు చెప్పిన దశమ స్కంధంలో యశోదమ్మను, గోపికలను అలరించిన అలనాటి చిన్ని కృష్ణుడే కదా ఈయన అని ఒక్కసారి ఒళ్ళు పులరించింది. అలా బోసిగా దర్శనమిచ్చిన మా చిన్ని కిట్టయ్యకి, పూజ, వెనువెంటనే అభిషేకం చేశారు. అద్భుతము ఆ అనుభవం, అక్కడ ఉన్న అర్చకస్వాములు కూడా చాలా సహాయపడ్డారు, మాకు దర్శనం చేయించడానికి. గర్భగుడిలోకి చూసే ఆ నవగ్రహ ద్వారం చాలా చిన్నది కావడం మూలాన, ఒక్కరే ఆ సేవ అంతా నిరాటంకముగా చూడనివ్వరు. కానీ, ఒకసారి చూసిన తర్వాత, ఇంతలో మిగతా వాళ్ళు కూడా ఒక్కోసారి చూసేసిన తర్వాత, మళ్ళీ మనం వెళ్ళి లైన్ లో నిలబడ వచ్చు. ఇది స్వయంగా అక్కడి అర్చక స్వాములే అనుమతించారు. అలా మేము ఎన్నో సార్లు మళ్ళీ లైన్ లోకి వెళ్ళను, మా బోసి, ముద్దుల బుజ్జి కృష్ణుడిని చూడను. ఆయన చేతిలో ఒక పెద్ద కవ్వం పట్టుకుని నుంచున్నాడు. ఒక చేతిలో వేణువు.

అలా అభిషేకం జరిగిన తర్వాత, స్వామి వారి ప్రక్కనే ఒక అక్షయ పాత్ర కూడా పెడతారు. ఆ అక్షయ పాత్ర కనీసం ఐదు వందల ఏళ్ళ పూర్వం నాటిదిట. అందులో ఏ కోరిక కావాలన్నా కటాక్షిస్తుంది ఆ అక్షయ పాత్ర అని చెప్పారు. ఆ అక్షయ పాత్ర కేవలం మూడు నిమిషాలు స్వామి వారి సన్నిధిలో ఉంచుతారు ఆ సమయంలో. మళ్ళీ తర్వాత లోపల పెట్టేస్తారు.

స్వామి వారి గర్భ గుడికి ఎదురుగా, ఒక వైపు స్వామి హనుమ, ఒకవైపు గరుత్మంతుని సన్నిధులు కొలువై ఉంటాయి. శ్రీకృష్ణ మందిరము వెనుకగా ఒక చంద్రమౌళీశ్వర దేవాలయం ఉంటుంది. ఆ దేవాలయంలో ఉన్న చంద్రమౌళీశ్వర స్వామి వారు అతి పురాతనమైనవారు. ఆయన ఇక్కడ కృష్ణ మూర్తి రావడానికి పూర్వం ఎప్పటి నుంచి ఉన్నారో తెలియదు...అంత పురాతనముట. అందుకే శ్రీకృష్ణ మఠంలో ఏ ఉత్సవం చేసినా, మొదట చంద్రమౌళీశ్వరుడికి విన్నవించి అప్పుడు మొదలు పెడతారు. అలాగే శ్రీకృష్ణ మందిర ప్రాంగణములోనే ఒక చక్కని సుబ్రహ్మణ్య స్వామి వారి మందిరం ఉన్నది. అక్కడ సుబ్రహ్మణ్యుడు ఐదు పడగలతో ఉన్న నాగేంద్రుడిగా దర్శనమిస్తారు, అదే గర్భగుడిలో ఒక పెద్ద పుట్ట కూడా ఉంటుంది. బహుశా కర్ణాటకలో సర్ప రూపంలో(పుట్టలో) ఉన్న సుబ్రహ్మణ్యుడిని ఎక్కువగా ఆరాధిస్తారు అనుకుంటా. కానీ అద్భుతమైన మందిరము. "అహం స్కందః" అన్నారు కదా కృష్ణ పరమాత్మ, ఆ లోపల ఉన్న కృష్ణుడే స్కందుడు, స్కందుడే కృష్ణుడు. అందుకేనేమో, మాకు కృష్ణ మందిరములో ఉన్న స్వామిని చూస్తే, బాలదండాయుధపాణిగా దర్శనం అయ్యింది. అయితే ఆ చేతిలో దండం బదులు కవ్వం పట్టుకున్నాడు స్వామి.

 

క్షేత్ర వైభవం - అంతర్జాలం నుంచి సేకరించిన విషయం

"పరమాత్మను నేనే’ అనే కృష్ణ్భగవానుడు భగవద్గీత ద్వారా తన సందేశాన్ని సమాజానికి అందించాడు. ఆ స్వామి అవతరించిన ప్రసిద్ధ పుణ్యక్షేత్రం ఉడిపి. మన దేశంలో ఉన్న శ్రీకృష్ణుని సుప్రసిద్ధ క్షేత్రాలలో విశిష్టమైనదిగా విరాజిల్లుతున్న ఈ క్షేత్రం బృందావనాన్ని తలపిస్తుంది. ద్వైతమత స్థాపకులు శ్రీమద్వాచార్యులు. అవతరించిన స్థలం భాగ్యత క్షేత్రం. దానికి సమీపంలో ఉన్నదే ఉడిపి. వీరికి గల అపూర్వమైన దివ్యమహిమలతో తీవ్రమైన గాలివానకు సముద్రంలో మునిగిపోతున్న ఓడను  రక్షించినప్పుడు ఆ ఓడలో నావికుడు ఒక గోపీచందనం మూటను కానుకగా సమర్పించాడు. ఆ మూటలో గోపీచందనం కణికల మధ్య వీరికొక చిన్న కృష్ణ విగ్రహం లభించింది. ఈ చిన్న విగ్రహాన్ని శ్రీ మధ్వచార్యులవారు సుమారు 800 సం. లకు పూర్వం ఉడిపి క్షేత్రంలో ప్రతిష్ఠించారు. అంత్యకులజుడైన కనకదాసు ఈ కృష్ణ దర్శనం  చేసుకుని తరించాలని ప్రాధేయపడగా, పూజారులు నిరాకరించినప్పుడు, కనకదాసుకి సాక్షత్ ప్రత్యక్ష దర్శనమిచ్చిన శ్రీ కృష్ణ విగ్రహమే ఈ విగ్రహం. పరమ భక్తుడైన కనకదాసుని కరుణించి తూర్పు ముఖంగా ఉన్న కృష్ణుడు పశ్చిమాభిముఖుడై దివ్యదర్శనాన్ని సాక్షాత్కరించాడు. ఆనాడు కనకదాసుకు గవాక్షంగుండా దర్శనమిచ్చిన  కిటికీలో నుంచే భక్తులు ఈనాటికి కృష్ణ దర్శనం చేసుకుంటారు. దీనినే కనకుని కిటికి అంటారు. కనకదాసు కృష్ణుని ప్రార్ధించిన చోట ఒక దివ్య మంటపాన్ని నిర్మించారు. ఇదే  కనకదాసు మంటపం. శ్రీమద్వాచార్యులవారు ఏర్పాటుచేసిన మఠాల నుంచి ఎంపికైన వారే రెండు సంవత్సరాలకొకసారి ఉడిపి శ్రీకృష్ణుని దేవాలయంలో అర్చనాది కార్యక్రమాలు నిర్వహిస్తారు. 12వ శతాబ్దంలో శ్రీమద్వాచార్యులవారు ఉడిపి దివ్యక్షేత్రంలో ఎనిమిది మఠాలను ఏర్పాటుచేశారు. ఆ ఎనిమిది మఠాలలో శ్రీకృష్ణమఠం(శ్రీ కృష్ణ ఆలయం) కూడా ఒకటి.

ప్రపంచంలోని అత్యంత సుందరమైన శ్రీకృష్ణ ఆలయాలలో ఉడిపి శ్రీకృష్ణ ఆలయం ఒకటి.ప్రశాంతమైన వాతావరణం, ఆకట్టుకునే పరిసరాలు, అణువణువూ కృష్ణ నామస్మరణతో ఉండే ఈ ఆలయ శోభ వర్ణనాతీతం. ఒకప్పటి శ్రీకృష్ణమఠంగా,ప్రస్తుతం శ్రీకృష్ణ ఆలయంగా పిల్వబడ్తున్న ఈ ఆలయమంతా కేరళ సంప్రదాయ రీతిలో నిర్మించబడి ఉంది. ఈ ఆలయం ముందు ఒక గోపురాన్ని నిర్మించడం జరిగింది. ఈ ఆలయం మహత్తు చాలా గొప్పది. శ్రీమద్వాచార్యులవారు ఇక్కడ శ్రీకృష్ణ్భగవానుడ్ని బాలకృష్ణ రూపంలో ప్రతిష్టించారు. ఆలయం బయట, ప్రధాన గోపురానికి ఎదురుగా కనకదాసు మందిరం ఉంది. శ్రీకృష్ణ భగవానుడు ఇక్కడ కొలువై ఉండడానికి భక్తుడైన కనకదాసే కారణం. నిమ్నజాతికులస్థుడైన కనకదాసు శ్రీకృష్ణ్భగవానుడికి మెచ్చిన శ్రీకృష్ణ్భగవానుడు పడమరాభిముఖంగా దర్శనమిచ్చినట్లు ఇక్కడి స్థల పురాణాచెప్తున్నాయ. ఆ కారణంగానే ఇక్కడ గర్భాలయంలో కొలువైన బాలకృష్ణుడు పడమరాభిముఖంగా దర్శనమిస్తాడు. ప్రధానాలయంలో కుడివైపు భాగంలో శ్రీమద్వతీర్థం ఉంది. అలనాటి దేవాలయ సంస్కృతి, సంప్రదాయాలను స్ఫురణకు తెచ్చే ఈ తీర్థం మధ్యభాగంలో మనోహరమైన మండపమొకటి ఉంది. ఈ మండపంలో శ్రీమద్వాచార్యుల దివ్య ప్రతిమ ఒకటి ఉంది. ఉత్సవాలు, పండుగలపుడు ఈ తీర్థంలోనే స్వామివారికి తెప్పోత్సవాన్ని నిర్వహిస్తారు. తీర్థానికి ఒడ్డున ఒకవైపున భగీరధుని మందిరం ఉంది. ప్రధానాలయంలో ఎడమవైపు భాగాన చెన్నకేశవస్వామి మందిరముంది. ప్రధానాలయమంతా భక్తులను ఓ అద్వితీయమైన అనుభూతికి గురిచేస్తుంది. శ్రీకృష్ణుని లీలావిశేషాలు తెలిపే అందమైన తైలవర్ణ చిత్రాలు, అలనాటి పనితనానికి నిదర్శనంగా కానవచ్చే కొయ్యశిల్పాలు, ఇవన్నీ భక్తులను అనితర సాధ్యమైన లోకాలకు తీసుకుని వెళతాయి. గర్భాలయం ముందు భాగంలో వెండితో చేసిన ధ్వజస్తంభం ఉంది. దానికి సమీపంలోనే తీర్థ మండపం ఉంది. ఈ తీర్థ మండపంలోనే స్వామివారికి ప్రీతిపాత్రమైన అటుకలపొడి తదితరాలను ఉంచుతారు. పూజలు నిర్వహించే సమయంలో ఈ తీర్థ మండపంలో జ్యోతులు వెలిగిస్తారు. ఆ సమయంలో ఈ మండప శోభ వర్ణనాతీతం. దేశంలో ఎక్కడా లేని విధంగా ఇక్కడ భక్తులకు గర్భాలయ దర్శనం ఉండదు. స్వామివారిని కిటికీగుండా మాత్రమే దర్శించుకోవాలి. ఈ కిటికీని నవరంధ్ర కిటికీ అని పిలుస్తారు. ఇక్కడ ఈ దేవాలయ సింహద్వారం తూర్పుముఖంగా ఉన్నప్పటికీ స్వామివారు మాత్రం పశ్చిమాభిముఖంగా దర్శనమిస్తారు. గర్భాలయంలో కవ్వము, పిల్లనగ్రోవి చెరియొక చేతధరించిన శ్రీకృష్ణుని విగ్రహం దర్శనమిస్తుంది. ఈ గర్భాలయం ద్వారా బంధం లేని గర్భగుడిగా విరాజిల్లుతోంది. గర్భాలయం బయట శ్రీమద్వాచార్యుల దివ్యమంగళ మూర్తి ఉంది. ఆలయ ప్రాంగణంలోనే మరోపక్క శ్రీమద్వాచార్య పీఠం ఉంది. అలనాటి కట్టడాలను స్ఫురణకు తెచ్చే ఈ మఠ శోభ వర్ణనాతీతం. ఇక్కడే ఆంజనేయస్వామివారి భవ్య మందిరం ఒకటి ఉంది. ఈ మందిరంలో కొలువుదీరిన ఆంజనేయస్వామి వీరాంజనేయస్వామి అవతారంలో కనిపిస్తారు. ఇదే ప్రాంగణంలో సుబ్రహ్మణ్యేశ్వరస్వామి కొలువుదీరాడు. సుబ్రహ్మణ్యేశ్వరస్వామిని వాదిరాజస్వామి ప్రతిష్టించారు.

ఇక్కడే మరోపక్క నవగ్రహాలయం, గోశాల, గీతామందిరాలున్నాయి. ఓ అపురూపమైన ఆధ్యాత్మికానుభూతిని సొంతం చేసే ఈ ఆలయానికి సమీపంలో పురాతన కాలంనాటి అనంతేశ్వరస్వామి ఆలయం ఉంది. భీముడు ఈ ఆలయాన్ని నిర్మించినట్లు తెలుస్తుంది. ప్రసన్న సోమేశ్వరస్వామి, సుబ్రహ్మణ్యేశ్వరస్వామి, అయ్యస్వామి మందిరాలున్నాయి. ప్రధానాలయానికి మరోపక్క చంద్రవౌళీరస్వామి ఆలయం ఉంది. ఇది కూడా అత్యంత పురాతనమైన మందిరంగా ఖ్యాతికెక్కింది. గర్భాలయంలో కొలువైన చంద్రవౌళీశ్వర స్వామి దర్శనం పూర్వజన్మల పుణ్యఫలంగా భక్తులు భావిస్తారు. ఇదే ఆలయం చుట్టూ మదిరాజమఠం, పుత్తెగ మఠం, అధమూరు మఠం, పేజావరు మఠం, కఠిపురుమఠం, కృష్ణాపూర్ మఠం, పలియారు మఠం, శిదువురు మఠాలను భక్తులు దర్శించుకోవచ్చు. ఉడిపి శ్రీకృష్ణ ఆలయంలో రోజూ ప్రాతఃకాలంలో స్వామివారికి చేసే పూజలు నయనానందకరంగా సాగుతాయి. అలాగే స్వామివారికి ఏటా చేసే శ్రీకృష్ణాష్టమి ఉత్సవాలు కూడా అత్యంత ఘనంగా నిర్వహిస్తారు".

సశేషం...

సర్వం శ్రీసుబ్రహ్మణ్యార్పణమస్తు.

Sri Krishna Temple in Udupi :- 0820-2520598 

http://www.udipikrishnamutt.com/ 

మీ కామెంట్ ద్వారా మీ అభిప్రాయాన్ని తేలియచేయండి

Kukke Subramanya Temple Information

 కుక్కే శ్రీ సుబ్రహ్మణ్య  - కర్ణాటక | KUKKE SUBRAMANYA TEMPLE INFORMATION 

శ్రీ మోహన్ గార్కి కృతజ్ఞతలు తెలియచేస్తూ .. ఆయన రాసిన పోస్ట్ ఇక్కడ పోస్ట్ చేస్తున్నాను .. 

మా ఇలవేల్పు వల్లీదేవసేనాసమేత శ్రీ సుబ్రహ్మణ్య స్వామి వారి అనుగ్రహం వలన, పూజ్య గురువు గారి ఆశీస్సుల వలన, మేము సకుటుంబముగా కర్నాటకలోని కొన్ని ప్రఖ్యాత పుణ్యక్షేత్రాలను దర్శించి, అమ్మ, అయ్యవార్ల మరియు జగద్గురువుల దర్శన, అనుగ్రహం పొంది వచ్చాము. ఈ సంతోషం అందరితో పంచుకోవాలని మరియు అమ్మవారు మాకు చూపించిన మేరకు ఈ క్షేత్రాల గురించి వ్రాస్తే మరెవరికైనా ఈ పుణ్యక్షేత్రాలు దర్శించేటప్పుడు ఉపయోగపడగలదని ఈ టపా వ్రాస్తున్నాను.

మొదటగా మేము బెంగళూరు నుండీ బయలుదేరి దర్శించిన క్షేత్రాలు వరుసగా....
౧. కుక్కే శ్రీ సుబ్రహ్మణ్య
౨. ఉడిపి శ్రీ కృష్ణ మఠం
౩. కొల్లూరు మూకాంబికా క్షేత్రం
౪. శృంగేరీ శారదా మఠం
౫. హోర్నాడు శ్రీ అన్నపూర్ణేశ్వరీ క్షేత్రం

మొదటగా మేము కుక్కే శ్రీసుబ్రహ్మణ్య క్షేత్రం చేరుకున్నాము. ఆ ఊరు పేరే సుబ్రహ్మణ్య. ఈ క్షేత్రం బెంగళూరుకి సుమారు మూడు వందల కిలోమీటర్ల దూరంలో, దక్షిణకన్నడ జిల్లాలో ఉంది. తమిళనాడులో ఆరు సుబ్రహ్మహ్మణ్య క్షేత్రాలను కలిపి ఆరుపడైవీడు అని వ్యవహరిస్తారు, ఆ ఆరు క్షేత్రాలను స్వామి వారి ఆరు ముఖాలుగా చెప్తారు. అలాగే కర్ణాటకలో మూడు ప్రసిద్ధ సుబ్రహ్మణ క్షేత్రాలను విశేషంగా కొలుస్తారు.

మొదటిది ఆది సుబ్రహ్మణ్య - కుక్కే శ్రీ సుబ్రహ్మణ్య

రెండవది మధ్య సుబ్రహ్మణ్య - ఘాటి సుబ్రహ్మణ్య (బెంగళూరుకి యాభై కిలోమీటర్ల దూరంలో ఉంది).

మూడవది అంత్య సుబ్రహ్మణ్య - నాగలమడక సుబ్రహ్మణ్య (ఇది అనంతపురం నుంచి డబ్భై కిలోమేటర్ల దూరం, కర్ణాటకలోకే వస్తుంది.)

ఈ మూడు క్షేత్రాలు, స్వామిని సర్ప రూపంలో చూస్తే ఆది, మధ్య, అంత్యములుగా చెప్తారు. చాలా చాలా శక్తివంతమైన క్షేత్రాలు.

కుక్కేలో స్వామి మొదట ఒక పుట్టగా మాత్రమే వెలిశారు. దానినే ఆది సుబ్రహ్మణ్య అని పిలుస్తారు. ఇక్కడ సర్పదోష నివారణ పూజలు చాలా అద్భుతంగా చేస్తారు. ఈ సర్పదోష నివారణ పూజ చేయించిన వారికి, కాలసర్పదోషము, ఇతఃపూర్వం పాములను చంపిన దోషము, నవగ్రహ దోషాలు శమింపబడి, స్వామి వారి కారుణ్యంతో సంతానము లేనివారికి సత్సంతాన ప్రాప్తి కలుగుతుంది. ఇక్కడ ఇచ్చే మూల ప్రసాదం (పుట్టమన్ను) చాలా చాలా శక్తివంతమైనది. ఇది నియమముతో నలభైరోజులు, రాత్రి పడుకునే ముందు, పాలతో మూలప్రసాదం తీసుకుంటే, ఎటువంటి దోషాలు లేకుండా, చక్కని చిన్ని సుబ్రహ్మణ్యుడో, చిన్ని కృష్ణుడో, బుజ్జి రుక్మిణి అమ్మో, సీతమ్మో సంతానంగా పుడతారు. ఇది నేను స్వయంగా పొందిన అనుభవం.

కుక్కేలో ఉన్న ప్రథాన ఆలయాలు -
౧. ఆది సుబ్రహ్మణ్య  - ఇక్కడ పుట్ట రూపములో ఉంటారు.
౨. కుక్కేసుబ్రహ్మణ్య - ఇక్కడ గర్భగుడిలో వాసుకి, ఆపైనా ఆదిశేషుడూ, ఆపైన సుబ్రహ్మణ్య స్వామి వారు కొలువై ఉంటారు. వాసుకిని రక్షించడం కోసం స్వామి ఇక్కడ వెలిశారు. వాసుకి, ఆదిశేష, సుబ్రహ్మణ్యులను కలిసి ఒకేసారి చూడడం పరమ అద్భుతమైన ఆధ్యాత్మిక అనుభవం. ఈ క్షేత్రంలో మరొక ప్రత్యేకత ఏమిటంటే, ఆలయానికి పశ్చిమాన ఉన్న ద్వారం నుండి ప్రవేశిస్తాము. ఆపైన ప్రదక్షిణ చేస్తూ తూర్పుద్వారం గుండా గర్భాలయంలోకి ప్రవేశిస్తాము. అక్కడ స్వామి వారి ఎదురుగా ఉన్న ధ్వజస్థంభాన్ని గరుడ స్థంభం అని పిలుస్తారు. అది వెండితో చేయబడి ఉంటుంది. ఈ స్థంభం యొక్క విశిష్టత ఏమిటంటే, వాసుకి, ఆదిశేషుల నుంచి వచ్చే శ్వాస వలన, భక్తులను రక్షించడం కొరకు ఈ ఈ గరుడ స్థంభం.  ఇదే ఆలయ ప్రాంగణములో ఉమామహేశ్వరులు (పరమశివుని వామాంకముపై కూర్చుని ఉన్న అమ్మవారు..), కుక్కేలింగము, కాలభైరవ స్వామి వారు, ప్రథాన గర్భాలయము ప్రక్కగా నరసింహస్వామి వారు కొలువై ఉంటారు. ఇదేక్షేత్రములో తూర్పుద్వారానికి పక్కగా, నాగప్రతిష్ట చేసే నాగేంద్ర స్వామి వారి సన్నిధి, దాని ప్రక్కనే శృంగేరీ పీఠం వారి అన్నదానం చేసే హాలు, ఇంకా ప్రదక్షిణదిశలో ముందుకి వెడితే, దక్షిణద్వారం దగ్గర కుక్కే సుబ్రహ్మణ్య గ్రామ దేవత "హోసలిగమ్మ" వారు కొలువై ఉంటారు.

కుక్కేశ్రీసుబ్రహ్మణ్య క్షేత్రములో ఉన్న మరొక ప్రథానమైనది, కుమారధార నది (తీర్థం). ఈ తీర్థం పరమపవిత్రమైనది. కుక్కేలోపలికి వెళ్ళేటప్పుడు మొదటగా ఈ కుమారధార దాటి వెడతాము. మేము కుక్కే చేరుకునే సరికి రాత్రి పది దాటిపోవడం వల్ల, ఆ మరుసటిరోజు ఉదయాన్నే మేము ఈ తీర్థ స్నానం చేశాము. చాలా ప్రశాంతముగా, స్వఛ్చముగా ఉంటుంది ఈ తీర్థం. లోతు అంతగా ఉండదు. ఇవి కాక, ఈ కుక్కేసుబ్రహ్మణ్యా గ్రామంలోకి వెళ్ళేటప్పుడు, కుమారధార దాటిన తర్వాత మొదట దర్శనమయ్యేది "అభయగణపతి స్వామి వారు". ఈ గణపతి ఈ క్షేత్రపాలకుడు. స్వామి చాలా చాలా బృహత్ స్వరూపంలో ఉంటారు. అభయగణపతి ఆలయం ప్రక్కనే వనదుర్గా అమ్మవారి సన్నిధి ఉంటుంది. ఇంకాస్త ముడుకి వెడితే, బస్టాండుకి దగ్గరలో కాశికట్టె గణపతి స్వామి వారి ఆలయం ఉంటుంది. ఈ స్వామి చాలా చిన్నగా ముద్దుగా ఉంటారు. ఈ కాశికట్టె గణపతిని నారాద మహర్షి ప్రతిష్ఠించారు. ఇదే ఆలయంలో "ముఖ్యప్రాణ దేవారు" సన్నిధి కూడా ఉంటుంది. ముఖ్యప్రాణ దేవారు అంటే ఎవరో అనుకున్నారా... సాక్షాత్తు పవనసుతుడు మన స్వామి శ్రీరామదూత, హనుమయే. స్వామిని కర్ణాటక క్షేత్రాలన్నిటిలోనూ అలా ముఖ్యప్రాణదేవారు అని వ్యవహరిస్తారు.

ఇక ఈ కుక్కే సుబ్రహ్మణ్యక్షేత్రంలో ఉండడానికి దేవస్థానం వారి కాటేజీలు ఉన్నాయి కానీ, అవి అంతగా బాగోలేదు. బయట అనేక ప్రైవేట్ హోటళ్ళు ఉన్నాయి. మేము SLR Residency  అనే హోటల్ లో ఉన్నాము. చాలా చక్కగా ఉంది. అది ప్రైవేట్ హోటలే అయినా ఎటువంటి అవైదిక వాతావరణమూ లేదు. రోజుకి 1000/- అద్దె.

ఇక భోజనం కొరకు, ఇక్కడ బ్రాహ్మణుల కోసం మధ్యాహ్నం పూట శృంగేరి వారి అన్నదాన సత్రం ఆలయం లోపలే ఉంది. ఇది గాక, అందరికీ ఆలయం ఎదురుగా మరొక అన్నదాన సత్రం ఉన్నది. ఇది దేవస్థానం వారిదే. కాకపోతే ఇక్కడ మధ్యాహ్నం, రాత్రి మాత్రమే ఉంటుంది. పొద్దున్న ఏ టిఫినో తినాలి అంటే, బయట దుకాణాలపై ఆధారపదవలసినదే.

ఈ క్షేత్రంలో సంతానం కోసం చేసే ప్రథానమైన సేవలు... సర్ప సంస్కార పూజ (అంటే సర్ప దోష నివారణ), నాగప్రతిష్ఠ, ఆశ్లేషబలి... పిల్లలు పుట్టాక అంగప్రదక్షిణ, తులాభారం.

మరిన్ని వివరాలకు ఈ క్రింది వెబ్ సైట్ చూడగలరు.
http://www.kukketemple.com/

సంగ్రహంగా కుక్కే శ్రీ సుబ్రహ్మణ్య క్షేత్ర వివరాలు వ్రాశాను. మిగతా క్షేత్రాల గురించి వేరే టపాలో వ్రాయగలను.

సశేషం...

సర్వం శ్రీవల్లీదేవసేనాసమేత శ్రీసుబ్రహ్మణ్యార్పణమస్తు.

Temple Address

Kukke Shree Subrahmanya Temple Subrahmanya Sullia Taluk Dakshina Kannada District Pin -574 238
	Phone:  91-8257-281224 91-8257- 281423 91-8257-281700 (E.O) 91-8257-281300 (Sarpa Samskara Section) Fax No:91-8257-281800

మీ కామెంట్ ద్వారా మీ అభిప్రాయాన్ని తేలియచేయండి

Biccavolu Temple Information

 శ్రీ గోలింగేశ్వర స్వామి ఆలయం - బిక్కవోలు | SRI GOLINGESWARA TEMPLE INFORMATION - EAST GODAVARI

ఈ గ్రామంలో తూర్పు చాళుక్యుల కాలానికి చెందిన అనేక మందిరాలున్నాయి. క్రీ.శ.849 - 892 మాద్యకాలంలో తూర్పు చాళుక్య రాజు 3వ గుణగ విజయాదిత్యుని పేరు మీద ఈ వూరికి ఆ పేరు వచ్చింది. వారి కాలంలో కట్టబడిన అనేక ఆలయాలలో శ్రీరాజరాజేశ్వరి ఆలయం మరియు శ్రీ చంద్రశేఖరస్వామి ఆలయం ముఖ్యమైనవి. ఇవి చక్కని శిల్పకళతో ఆలరారుతున్నవి.

సామర్లకోటకు 17కిలో మీటర్ల దూరంలో ఈ బిక్కవోలు గ్రామం ఉంది

 

భక్తుల కొంగుబంగారంగా ,ఆరాధ్య దైవంగా విశేష పూజలందుకుంటున్న బిక్కవోలు శ్రీ కుమార సుబ్రహ్మణ్యశ్వర స్వామి ఆలయాన్ని భక్తులు విశేష సంఖ్యలో దర్శించుకుంటారు. రాష్ట్ర వ్యాప్తంగా ప్రసిద్ది గాంచిన బిక్కవోలు ఆలయ చరిత్రపై కధనం. క్రీ.శ.8వ శతాబ్దంలో తూర్పు చాళుక్యులు పాలించిన రోజులలో గోదావరి తీరంలో అనేక దేవాలయాలు నిర్మించారు. చాళుక్యులలో గొప్పవాడైన విజయాదిత్యుని తండ్రి నరేంద్ర మృగరాజు 108 యుద్దాలు చేసి శత్రు, సైన్యాలను హతమార్చాడు.
యుద్దాలలో అనేక మందిని చంపడంతో పాపభీతితో 108 శివాలయాలను మృగరాజు నిర్మించాడు. బిక్కవోలు పరిసర ప్రాంతాలలో నిర్మించిన 108 శివాలయాల్లో కొన్ని తురుష్కుల దాడిలో ధ్వంసం కాగా మరికొన్ని శిధిలం అయ్యి నేలమట్టం అయ్యాయి. బిక్కవోలులో పురాతన దేవాలయాలు చాళుక్యుల చరిత్రకు సాక్ష్యాలుగా నిలిచాయి. మూడు పురాతన దేవాలయాలు గ్రామ పరిసరాలలో వుండగా గ్రామ నడిబొడ్డులో కుమార సుబ్రహ్మణ్యశ్వర స్వామి, గోలింగేశ్వర స్వామి, చంద్రశేఖర స్వామి ఆలయాలు వున్నాయి.
గోలింగేశ్వర స్వామి ఆలయంలో గోలింగేశ్వరస్వామితో పాటు పార్వతీదేవి, సహజ సిద్దమైన పుట్టతో సుబ్రహ్మణ్యశ్వరుడు, వినాయకుడు, వీరభద్ర సహిత భద్రకాళి అమ్మవార్లతో మొత్తం శైవకుటుంబం అంతా ఒకేచోట కొలువై వున్నారు. ఆలయానికి సమీపంలో క్షేత్రపాలకుడైన విష్ణుమూర్తి, లక్ష్మీదేవిల ఆలయం కూడా ఉంది. తూర్పు చాళుక్యుల అనంతరం బిక్కవోలు పెద్దాపురం మహారాజుల అధీనంలోకి వచ్చింది. పెద్దాపురం మహారాజు శ్రీ సూర్యనారాయణ తిమ్మ గజపతి పాలనలో బిక్కవోలు ప్రాంతంలో గోవులు సహజ సిద్దమైన పుట్టలపై పాలు విడిచేవట.

అందుకే ఇక్కడ శివలింగాన్ని గోలింగేశ్వరస్వామిగా భక్తులు పిలుస్తారు. ఆలయంలో ఇప్పటికీ సహజ సిద్దమైన పుట్ట దర్శనమిస్తుంది. సంతానం లేని తిమ్మ గజపతి సంతానం కోసం సుబ్రహ్మణ్యశ్వరస్వామి ఆలయం నిర్మించి సంతానం పొందారట. అందుకే షష్ఠి రోజున సంతానార్దులైన స్త్రీలు పుట్టపై వుంచిన నాగులచీరను ధరించి ఆలయం వెనుక శయనిస్తారు. ఇలా శయనించడం వల్ల సంతాన ప్రాప్తి కలుగుతుందని వారి నమ్మకం. 1100సంవత్సరాల క్రితం నిర్మించిన ఆలయాలైన వాటిపై శిల్పసంపద ఎంతో సుందరంగా ఉంటుంది. బిక్కవోలు ఆలయాల సందర్శనకు ఏడాది పొడువునా భక్తులు వస్తుంటారు. బిక్కవోలు హైస్కూలు వద్ద ఉన్న పురాతన వినాయకుని విగ్రహం ప్రత్యేక ఆకర్షణ. ఈ విగ్రహం 10 అడుగుల పొడవు, 6అడుగుల వెడల్పుతో ఎంతో సుందరంగా భక్తులను కనువిందు చేస్తుంది.
నేటికీ చెక్కు చెదరని చాళుక్యుల శిల్పకళా వైభవం
1100 ఏళ్ళ నాటి బిక్కవోలు ఆలయాలపై ఉన్న శిల్ప సంపద నేటికీ చెక్కు చెదరకుండా చాళుక్యుల శిల్పకళావైభవానికి సాక్ష్యాలుగా నిలిచాయి. గ్రామ పరిసరాలలో ఉన్న వీరభద్రుని గుడి, కంచర గుడి, నక్కల గుడులపై అప్పటి శిల్పులు ఎంతో నేర్పుతో శిల్పాలు చెక్కి నిర్మించారు. ఈ ఆలయాల నిర్మాణాలకు సిమ్మెంటు, ఇసుక వాడకుండా రాళ్ళను ఒకదానిపై ఒకటి పేర్చి నిర్మించడం విశేషం. తురుష్కుల దాడిలో చాలా ఆలయాలు ధ్వంసం నేలమట్టమయ్యాయి. అయితే గ్రామంలో అప్పడప్పుడు వీటి అవశేషాలు బయల్పడుతుంటాయి.
ఇటీవల ఒక శివలింగం, వర్దమాన వీరుని చిత్రంతో వున్న ఒక శిల బయల్పడ్డాయి.

శ్రీ లక్ష్మీగణపతి దేవాలయానికి సమీపంలోనే గోలింగేశ్వర స్వామి ఆలయం వుంది. ఇందులో శ్రీ సుబ్రహ్మన్యేశ్వర ఆలయంలో పుట్ట వున్నది. ఆ పుట్ట మన్నును భక్తులు మహిమగలదని స్వీకరిస్తారు.ఈ దేవాలయ ప్రాంతంలో పెద్ద సొరంగ మార్గం వుండేదనీ ఆ మార్గాన్ని అప్పటి బ్రిటిష్ పాలకులు "బిగ్ హోల్" అని పిలిచేవారనీ, ఆ ఆంగ్ల పదాన్ని స్థానిక ప్రజలు బిక్కవోల్ అని పలికేవారనీ , అప్పటి నుండి ఆ ప్రాంతం బిక్కవోలుగా పిలవబడుతున్నదనీ కొందరు చెబుతారు.

 

మీ కామెంట్ ద్వారా మీ అభిప్రాయాన్ని తేలియచేయండి

http://www.prabhanews.com/

 

Thiruparankundram Temple Information

తిరుప్పరంకుండ్రం - ఆరుపడైవీడు - | Tiruparakundarm -  Arupadai Veedu - Subramanya Swamy Temple Information

Thiruparankundram - తిరుప్పరంకుండ్రం

 

శ్రీ సుబ్రహ్మణ్య స్వామి వారి యొక్క ఆరు (ఆరుపడైవీడు) ప్రఖ్యాత క్షేత్రములలో రెండవది తిరుప్పరంకుండ్రం. ఈ క్షేత్రములో శ్రీ సుబ్రహ్మణ్య స్వామి వారికి ఇంద్రుని కుమార్తె అయిన దేవయాని (దేవసేనా) అమ్మతో కళ్యాణం జరిగింది. ఈ క్షేత్రం తమిళనాడులో ప్రఖ్యాత పుణ్యక్షేత్రం అయిన మధురై కి కేవలం ఐదు కిలోమీటర్ల దూరంలో ఉంది.

ఇక్కడి ప్రత్యేకత ఏమిటంటే, ఈ ఒక్క క్షేత్రంలోనే సుబ్రహ్మణ్య స్వామి వారు కూర్చుని దర్శనమిస్తారు. మిగతా అన్నిచోట్ల స్వామి నిలబడిన మూర్తినే చూస్తాం.

 మదురై అమ్మవారి గుడికి దగ్గర్లో బస్సు స్టాండ్ ఉంది . అక్కడ నుంచి బస్సు ద్వారా తిరుప్పరంకుండ్రం చేరుకోవచ్చు .పళముదిర్చోళై కి ఐతే బస్సు స్టాండ్ నుంచి డైరెక్ట్ గా బస్సు ఉంది . తిరుప్పరంకుండ్రం వెళ్ళడానికి డైరెక్ట్ బస్సు ఉన్నప్పటికీ టెంపుల్ దగ్గరకు వెళ్ళదు మీరు దిగి నడుచుకుని టెంపుల్ దగ్గరకు వెళ్ళవలసి ఉంటుంది .

ఇక్కడ నుంచి 1/2 కిమీ లోపే ఉంటుంది .

టెంపుల్ ని దూరం నుంచి చూస్తుంటేనే .. మనల్ని టెంపుల్ లోకి లాక్కుంటుంది .

ఆలయ గోపురం పై చెక్కిన శిల్పాలు అద్బుతంగా ఉంటుంది . 

 

మీరే చూడండి .. ఎంత చక్కగా ఉన్నాయో .. 

 ఈ ఆలయం లో మనకి దుర్గమ్మ వారు కూడా దర్శనం ఇస్తారు .

రండి స్వామి వార్ని దర్శనం చేస్కుందాం .. 

 ఇక్కడ స్వామికి అభిషేకం చేయరు, కేవలం ఆయన శక్తి శూలమునకు మాత్రమే అభిషేకం చేస్తారు.

తమిళనాడులోని ఆరు సుబ్రహ్మణ్య క్షేత్రాలు  (అఱుపడై వీడుగళ్) ఉన్నాయి. 

1. తిరుచెందూర్ : Thiruchendur
2. తిరుప్పరంకుండ్రం : Tirupparankundram
3. పళముదిర్చొళై : Pazhamudircholai
4. పళని :  Palani
5. స్వామిమలై : SwamiMalai
6. తిరుత్తణి : Tiruttani

మీ కామెంట్ ద్వారా మీ అభిప్రాయాన్ని తేలియచేయండి